மனித உணர்வுகள்

மனித உணர்வுகள் புதிரானவை 

மகிழ்ச்சியின் உச்சகட்ட நிலையில் கண்கள் அழுகின்றன 

துயரத்தில் உதடுகள் சிரிக்கின்றன 

கோபம் மௌனம் ஆகிவிடும் 

மனிதனின் நம்பிக்கை துரோகத்தில் 

மனம், உணர்வுகள், எண்ணங்கள், கோபம்,

அனைத்தும்  இறந்து போகிறது.

-- சசிகலா, வாணியம்பாடி

கண்ணாடி

ஒவ்வொரு நிமிடமும் தேடினேன் 

என் வேதனைகளையும், கண்ணீரையும், 

பிரச்சனைகளையும், 

கேட்க யாரும் இல்லை என்று  

மனிதனிடம் சொன்னேன்.

ஒன்று பத்தானது, நூறு ஒன்றானது, 

கண்ணாடி முன் நின்றேன், 

நான் அழுதால் அது அழுதது 

நான் சிரித்தால் அது சிரித்தது.

-- சசிகலா, வாணியம்பாடி

புதிர்

 புதிர்

வாழ்க்கையில் உங்களை உண்மையாக புரிந்தவர்களுக்கு 

மட்டும் நீங்கள் ஒரு நல்ல திறந்த புத்தமாக இருந்தால் போதும் 

உங்களை புரியாதவர்களுக்கு 

நீங்கள் புதிராகவே இருந்து விட்டுப் போங்கள் 

ஏனென்றால் அனைவராலும் வாசிக்க முடியாது 

ஒரு சிலரால் மட்டுமே உணர முடியும்.

-- சசிகலா, வாணியம்பாடி

வைரம்...

 ஜெய் குருதேவ்.

       மற்றவர்கள் உங்களை மதிக்க வேண்டும் என்ற எதிர்பார்ப்பை நீங்கள் முற்றிலுமாக கைவிட வேண்டும்.   

           இந்தப் பாதையில், நிச்சயமாக சந்தேகங்களும் சூழ்நிலைகளும் உங்களை எல்லாப் பக்கங்களிலிருந்தும் குத்தும்; அதனால் எந்த ஒரு தருணத்திலும் உங்களிடம் எந்த பலவீனமும் மிஞ்சாது. இல்லையென்றால், இங்கு வந்து, என்னுடன் அமர்ந்து, சிரித்துவிட்டுப் போவதில் எந்த அர்த்தமும் இல்லை.

           நீங்கள் இங்கு வந்தால், ஒரு "வைரம்" போல மாற வேண்டும்.💎சக்திவாய்ந்தவராக!

--சசிகலா, வாணியம்பாடி

யாவற்றிலும்...

அம்மா... 

இது உன் இறுதி நாள் ... 
உன் தீ அணைந்து விட்டது ...

கண் கொட்டாமல் உன்னையே 
பார்த்துக் கொண்டிருந்தேன் ... 
காற்றோடு கரைந்து போனாய் ...

கடலின் அலை 
என்னை வருடி சென்றது ... 
துளி உப்பின் பிசுபிசுப்பு ...
கரைக்கப்பட்ட அஸ்தியிலிருந்து
உன் இருப்பு...

-- விஜயலக்ஷ்மி, வேதாரண்யம்

அகம் மலர...

மலரை தரிசித்தேன்... 

என்னுள்ளிருக்கும்  அதை  
இணை வைத்தேன் ...

முள்ளை முள்ளால் 
நோக்குகிறேன் ...
தீயை என்  தீயே 
வந்து தொடுகிறது ... 
அகத்திலிருந்து 
அத்தனையும் கொட்டி 
உலகை நிரப்பியாயிற்று ... 

இப்போது அகம் 
மலரைத்தான் நோக்குகிறது ... 
அதன் தேன் எப்போதும் இனிக்கிறது ...

--விஜயலக்ஷ்மி, வேதாரண்யம்

மகிழ்ச்சி

 

மகிழ்ச்சி என்பது 

பொன், பொருள், ஆடை, ஆபரணங்கள் 

விலை உயர்ந்த பொருட்களை 

வாங்கி குவிப்பதில் அல்ல, 

நல்ல மனிதர்களை 

நம்முடன் வைத்துக் கொள்வதில் தான் 

மகிழ்ச்சி இருக்கிறது.

-- சசிகலா, வாணியம்பாடி