மைதானம்

நான் அஞ்சாங்கல் விளையாடிக் கொண்டிருக்கிறேன்,  

அனைவரும் மறந்த ஒரு விளையாட்டு... 

என் தோழி வருவாள் என்று நான் காத்துக் கொண்டிருந்தேன் 

அவள் கடைசி வரையும் வரவே இல்லை...

-- சசிகலா, வாணியம்பாடி

மழை

வானம் மேகமூட்டமாக இருக்கிறது 

சற்று நேரத்திலேயே 

இடியுடன் மழை 

அந்த  மழையின் சாரலில் செடியின் இலைகளில் இரவு நேரம் மழைத்துளிகள் 

முத்து பவளம் போல

ஜொலித்துக் கொண்டிருந்தது

என்னை வா வா என்று அழைத்தது.

-- சசிகலா, வாணியம்பாடி

மௌனம்

சில பேரிடம் பேச முடியும் 

ஓரிரு இடங்களில்  பேசவும்  முடியாது, 
புரிய வைக்கவும் முடியாது. 

நம்மை யார் என்று புரிய வைப்பதற்காக 
ஒவ்வொரு நாளும் 
உன்னை நிரூபித்துக் கொண்டே இருக்க வேண்டாம்.

பெண்ணே, வாழ்க்கையின் அத்தனை போராட்டத்திற்கும் 
ஒரே ஒரு அற்புதமான தீர்வு 
மௌனம் மட்டுமே !

-- சசிகலா, வாணியம்பாடி

நாடக மேடை

 

ஒவ்வொரு மனிதனும் அவன் வாழ்க்கையில் நாடக பொம்மைகள் தான் 

வீட்டில் ஒரு பெண் தாயாகவும், கணவனுக்கு மனைவியாகவும் 

அவள் வெளியே செல்லும்போது மேல் அதிகாரியாகவும், 

சக வேலையாளாகவு,ம் 

வழியில் நடந்து செல்லும் போது ஒரு நடை பயணியாகவும் 

சினிமா பார்க்கும்போது ரசிகையாகவும் 

கோவிலுக்கு செல்லும்போது பக்தையாகவும் 

இந்த வாழ்க்கை என்னும் மேடையி இத்தனை கதாபாத்திரங்களில்

வாழ்ந்து கொண்டிருக்கிறோம்...

-- சசிகலா, வாணியம்பாடி

மாற்றங்கள்

மாற்றங்கள் ஒவ்வொரு மனிதனிடமும் வர வேண்டும் 

நம்ம ஒவ்வொரு வருடமும் காலண்டரை மாற்றிக் கொண்டு இருக்கிறோம். 

ஒவ்வொரு நாளும் தேதியை கிழித்துக் கொண்டே இருக்கிறோம் 

மாற்றம்   காலண்டர் இல்லை

இந்த உலகத்தில் ஒவ்வொரு மனிதனிடம் தான்  

மாற்றங்கள் வரவேண்டும்

இப்போது  நம்மிடம் இருந்தே ஆரம்பிப்போம்...

-- சசிகலா, வாணியம்பாடி

பொம்மைக்காரி

காதலன் 

காதலியிடம் 

அவளை ஒரு பொம்மை என்று நினைத்து அவள் உருவத்தை வர்ணிக்கிறான் 

அவளும் அதை ரசிக்கிறாள் 

அவனும் அவளைப் புசிக்கிறான் 

கண்ணோடு கண்கள் 

உதடோடு உதடுகள் 

பல மாதங்களுக்குப் பிறகு மீண்டும் அவனை  சந்திக்கிறாள் 

அவன் தெரியாதது போல் அவளை கடந்து செல்கிறான் 

அவனுக்கு என்னை ஞாபகப்படுத்த வேண்டும் என்றால் 

திரும்பவும் நான்......

-- சசிகலா, வாணியம்பாடி

சிறகுகளின் சங்கீதம்

அழகான மசூதி 

பல வகையான பறவைகள் சத்தம் 

ஒரு புதுமையான இசை காதில் ஒலிக்கிறது 

ஒவ்வொரு சத்தமும் ஒவ்வொரு இசையை உருவாக்குகிறது 

மனிதன் இசையை கொடுக்க வேண்டும் என்றால் எத்தனை கருவிகள் வேண்டும் 

இசை வித்துவான்கள் இவர்களிடம் தான் கற்றுக் கொண்டார்களோ?

ஓ பறவைகளே நீங்கள் யாரிடம் இந்த இசையை கற்றுக் கொண்டீர்கள்?

உங்களுக்கு குரு யார் தான் என்று சொல்லுங்களேன்...

-- சசிகலா, வாணியம்பாடி.